ఇంటర్ పాసైనవారికి రైల్వేలో 3000 పైనే ఉద్యోగాలు… అప్లికేషన్ ప్రక్రియ ప్రారంభం | Railway Jobs 2025
ఇంటర్ పాసైన అభ్యర్థులకు రైల్వేలో భారీ ఉద్యోగావకాశాలు వచ్చాయి. Railway Recruitment Board (RRB) 2025 సంవత్సరానికి NTPC (Non-Technical Popular Categories) పోస్టుల నోటిఫికేషన్ విడుదల చేసింది. ఈ నోటిఫికేషన్ ద్వారా మొత్తం 3,058 ఖాళీలను భర్తీ చేయనున్నారు. ప్రస్తుతం ఆన్‌లైన్ అప్లికేషన్ ప్రక్రియ ప్రారంభమై ఉంది. ఆసక్తి ఉన్న అభ్యర్థులు 2025 నవంబర్ 27 లోపు దరఖాస్తు చేయాలి.
ఈ నోటిఫికేషన్ ద్వారా టికెట్ క్లర్క్, అకౌంట్స్ క్లర్క్-కమ్-టైపిస్ట్, జూనియర్ క్లర్క్-కమ్-టైపిస్ట్, ట్రైన్ క్లర్క్ వంటి పలు పోస్టులను భర్తీ చేస్తున్నారు. పోస్టుల వివరాలు చూస్తే టికెట్ క్లర్క్ 2,424, అకౌంట్స్ క్లర్క్-కమ్-టైపిస్ట్ 394, జూనియర్ క్లర్క్-కమ్-టైపిస్ట్ 163, ట్రైన్ క్లర్క్ 77 పోస్టులు ఉన్నాయి. మొత్తం 3,058 పోస్టులు ఉన్నాయి.
అభ్యర్థులు గుర్తింపు పొందిన బోర్డు నుండి కనీసం 50% మార్కులతో 12వ తరగతి పాసై ఉండాలి. SC, ST, PwD అభ్యర్థులకు 50% మార్కుల నిబంధన వర్తించదు. టైపింగ్ పోస్టులకు ఇంగ్లీష్‌లో నిమిషానికి 30 పదాలు లేదా హిందీలో నిమిషానికి 25 పదాలు టైప్ చేసే సామర్థ్యం ఉండాలి.
వయసు పరిమితి 2026 జనవరి 1 నాటికి 18 నుండి 30 సంవత్సరాల మధ్య ఉండాలి. SC/ST అభ్యర్థులకు 5 సంవత్సరాలు, OBC అభ్యర్థులకు 3 సంవత్సరాల వయసు మినహాయింపు ఉంటుంది.
సెలెక్షన్ ప్రక్రియ రెండు దశల కంప్యూటర్ బేస్డ్ టెస్టులు (CBT 1 మరియు CBT 2) ద్వారా నిర్వహించబడుతుంది. CBT 1లో మొత్తం 100 ప్రశ్నలు ఉంటాయి – జనరల్ అవేర్‌నెస్ 40, మ్యాథ్స్ 30, రీజనింగ్ 30 ప్రశ్నలు. పరీక్ష వ్యవధి 90 నిమిషాలు. CBT 2 కూడా 90 నిమిషాలపాటు ఉంటుంది, ఇందులో 120 ప్రశ్నలు ఉంటాయి – జనరల్ అవేర్‌నెస్ 50, మ్యాథ్స్ 35, రీజనింగ్ 35. CBT 2 తర్వాత షార్ట్‌లిస్ట్ అయిన అభ్యర్థులకు టైపింగ్ టెస్ట్ ఉంటుంది.
అప్లికేషన్ ఫీజు జనరల్ మరియు OBC అభ్యర్థులకు రూ.500, SC/ST/మహిళలు/EWS/PwD అభ్యర్థులకు రూ.250 మాత్రమే. CBT 1 పరీక్ష తర్వాత జనరల్, OBC అభ్యర్థులకు రూ.400 రీఫండ్ అవుతుంది. మిగిలిన అభ్యర్థులకు పూర్తి ఫీజు రీఫండ్ అవుతుంది.
ఆన్‌లైన్‌లో దరఖాస్తు చేయడానికి అభ్యర్థులు అధికారిక వెబ్‌సైట్ rrbapply.gov.in ను సందర్శించాలి. హోమ్‌పేజీలో మీ RRB జోన్ ఎంచుకుని “Apply Online for RRB NTPC 2025” క్లిక్ చేయాలి. పేరు, ఇమెయిల్ ID, మొబైల్ నంబర్‌తో రిజిస్టర్ అయ్యి లాగిన్ అవ్వాలి. ఆన్‌లైన్ ఫాంలో వ్యక్తిగత, విద్యా వివరాలు నింపి, ఫోటో, సంతకం, సర్టిఫికేట్లు అప్‌లోడ్ చేయాలి. డెబిట్/క్రెడిట్ కార్డ్ లేదా UPI ద్వారా ఫీజు చెల్లించాలి. చివరగా ఫారం సమర్పించి ప్రింట్ తీసుకోవాలి.
ఈ నోటిఫికేషన్ 12వ తరగతి పాసైన అభ్యర్థులకు ఒక గొప్ప అవకాశం. గతంలో 3,400 పైగా పోస్టులు భర్తీ చేసినప్పటికీ, ఈసారి 3,000 పైగా ఉద్యోగాలు ప్రకటించడం అభ్యర్థులకు మంచి అవకాశం. రాత పరీక్ష తర్వాత టైపింగ్ టెస్ట్ మాత్రమే ఉండటం వలన ఇది సులభంగా పొందగలిగే గవర్నమెంట్ జాబ్. కనుక ఆలస్యం చేయకుండా వెంటనే RRB NTPC 2025 కోసం దరఖాస్తు చేయండి.
డిగ్రీ ఉన్నవారికి బీఎస్‌ఎన్‌ఎల్‌లో ఉద్యోగావకాశం – నెలకు ₹50,000 వరకు జీతం – Click Here
అన్నదాత సుఖీభవ పథకంలో 5.44 లక్షల రైతులకు లబ్ధి – ప్రభుత్వం కీలక నిర్ణయం – Click Here
